Ólukkans gigtin

Ég er búin að vera svo til einhent í margar vikur, með frosna vinstri öxl og sáran verk í handleggsvöðvum. Ég hélt að þetta myndi líða hjá, en gafst upp og fór til læknis. Ég kom heim með sterk verkjalyf og tilvísun til sjúkraþjálfara, sem afhenti mér blað með nokkrum æfingum. Ég fór einusinni til sjúkraþjálfara heima, og ef ég man rétt voru notaðir hitapúðar og hljóðbylgjur, en hér er ekki nein slík hátækni. Ég hef verið að reyna við æfingarnar, og er nú með harðsperrur í hálsinum. Það er ekkert gaman að vera gömul. Það er sárt.