Vorverkin

Ég ætlaði mér að vera mikil garðkona í ár og gera garðinn að litskrúðugum unaðsreit. Mars var óvenju hlýr, og ég gat byrjað að hreinsa til, með svo kom veturinn aftur með snjó og frosti og ísköld norð-austanáttin eyðilagði nýgræðinginn. Ég fékk vírus í innra eyra, og var eins og höfuðsóttar rolla í hálfan mánuð. Það var fyrst í dag að ég gat farið út og ég tók góða törn. Aðallega við illgresishreinsun, en setti líka niður fræ og klippti tré. Fimm plöntur sem ég pantaði komu í pósti alla leið frá Guernsey, og þær fóru í litla potta. Þær eru agnarlitlar, voru miklu myndarlegri í auglýsingunni, svo ég get ekki plantað þeim út enn.
Kannske kemst ég aftur í garðinn á morgun.