Heilsufar

Okkar líf snýst um Tess, og það gengur á ýmsu. Þegar hún veiktist var okkur sagt það væru líklega æxli í lungum og/eða lifur, og stutt eftir. Fúkkalyf sem henni voru gefin gerðu samt kraftaverk, og á föstudaginn var elsti og reyndasti dýralæknirinn komin úr sumarfríi, skoðaði Tess og sagði að þetta væri sýking í legi. Tess er nú á sterkum fúkkalyfjum, og ef lungun eru í nógu góðu ástandi fer hún í stóra aðgerð á næstunni. Ef ekki, þá missum við hana. Auðvitað vitum við að hundar lifa ekki að eilífu, og það kemur að því fyrr eða síðar að hún fer, en við viljum hafa hana hjá okkur eins lengi og nokkur kostur er.